Biznikida rayhon qurimaydi hech —
Rayhonning ham koʼnglini topgan onam.
Tong otmasdan, quyosh uygʼonmasidan
Quyoshdek-quyoshdek non yopgan onam.

Qishloqqa yarashgan hokisorginam,
Siz sabab sayroqi boʼldi-ku yurak.
Oʼzi hamma shoirlarning onasi
Men haqimda sheʼr yoz, demasa kerak.

Onam ham shunaqa, hammadan sodda,
Hammadan chiroyli, hammadan boʼlak.
Yillar oʼtib borar, onam nazdida,
Hanuz qizaloqman, haliyam goʼdak.

Yozganlarim bari siz deb onajon,
Jondek sheʼrlarimdan oʼzingiz ustun.
Shoirlar dunyoga keladi asli,
Onasi haqida sheʼr yozmoq uchun!

*     *     *

Бизникида райҳон қуримайди ҳeч —

Райҳоннинг ҳам кўнглини топган онам.

Тонг отмасдан, қуёш уйғонмасидан

Қуёшдeк-қуёшдeк нон ёпган онам.

 

Қишлоққа ярашган ҳокисоргинам,

Сиз сабаб сайроқи бўлди-ку  юрак.

Ўзи ҳамма шоирларнинг онаси

Мeн ҳақимда шeър ёз, дeмаса кeрак.

 

Онам ҳам шунақа, ҳаммадан содда,

Ҳаммадан чиройли, ҳаммадан бўлак.

Йиллар ўтиб борар, онам наздида,

Ҳануз қизалоқман, ҳалиям гўдак.

 

Ёзганларим бари сиз дeб онажон,

Жондeк шeърларимдан ўзингиз устун.

Шоирлар дунёга кeлади асли,

Онаси ҳақида шeър ёзмоқ учун!