Dervîşler gönli safâ hükm ider Kâf'dan Kâf'a
İy niçe selâtînler zebûnı dervîşlerün
Dervîşlerün hâlleri Hak'a gider yolları
Arş'da na'lin dönderdi Üveys'i dervîşlerün
Resûl agdı Mi'râc'a nazar eyledi hoca
Görün görün kim niçe vasfını dervîşlerün
Arş'dan döndi Mustafâ anda ashâb-ı safâ
Dinledi sözlerini sır sözi dervîşlerün
Resûl indi tapuya elin urdı kapuya
Didiler kimsin ana miskîni dervîşlerün
Resûl girdi içerü yârenler turdı öri
Âşıklar dîdâr gördi visâlin dervîşlerün
Resûl eydür iy Kayyûm bunlar ‘acâyib kavim
Sır denizi kılmışsın gönlini dervîşlerün
Bunlara benüm didüm bunlara ben ni didüm
Unıtdurdum mâlını gencini dervîşlerün
Dervîşlik bir pîşedür hırkacugı mîşedür
Çok cânavârlar yörür tonında dervîşlerün
Miskîn Yûnus n'eylesün niçe bir şerh eylesün
'Âşıkdur kul söylesün vasfını dervîşlerün