Hoy buloq, toshqin buloq!

Koʻpirgan shoshqin buloq!
Toshlar bilan kurashib,
Qayerga?.. Toʻxta, buloq.

Toʻlqinli senda isyon,
Tovshingda kuchli arslon.
Na darding bor na gʻaming,
Toshursan, telba, har yon?

She’ringga toʻyolmadim,
Koʻksingda yashnolmadim.
Sen toshib yoʻlga tushding,
Men gʻarib borolmadim.

Hoy buloq, joʻshqin buloq!
Koʻnglim koʻnglingga inoq.
Toʻxta desam, boqmaysan,
Soʻyla, yoʻlingmi uzoq?!