Yazdır
Üst Kategori: Şiir Bahçesi
Kategori: Türk Klasik (Divan) Şiiri
Gösterim: 2985
Yâ men ahâta ilmüke’l-eşyâe külleha
Ne ibtidâ sana mutasavver ne intihâ

Kim verse can yolunda bulur hâk-i makdemin
Gûyâ ki hâk-i râhınadır nakd-i cân behâ

Sensin kılan mezâhir-i ümmîd-i bîm edip
Mûsâ’nınilm genci asâsını ejdehâ

Ya’kûb’da nişâne-i şevkin gam ü elem
Yûsuf’da neş’e-i nazarın behcet ü behâ

Bulmazdı kahrın açmasa hân-ı siyâsetin
Hel min mezid lokmasına dûzah iştihâ

Senden buluptur Ahmed-i Mürsel makâm-ı kurb
Tahsîn ü Yâ vü Sin ile teşrîf-i Tâ vü Hâ

Yâ Rab belâ-yi kayda Fuzûlî esîrdir
Ol bî-dili bu dâm-i küdûretten et rehâ
 
mef û lü fâ i lâ tü me fâ î lü fâ i lün